done che se parla adosso

xe ormai bastansa tempo che nei talk show televisivi, no ghe xe altro che done che parla de se stesse come se in Italia no ghe fusse altri problemi da tratar e le parla tute insieme,ansi le siga tute insieme, e quei poche omini che xe presenti, ghe da sempre rason E 'naltra roba che no capisso xe parcossa che le conduttrici ga sempre da doparar un tono de vose cussì alto. Me dispiase, ma sta republica de le done in TV me garba pocheto. Me scuso co le mie lettrici, ciapelo come un sfogo de un vecio brontolon che no ga gnancora capio che'l mondo se cambià no so se in megio o in peso.e adesso lassè che ve propina 'naltra de le mie poesie

“ me ricordo”

No go mai dito tanto “me ricordo”
Come adesso che passai i sesanta
E fate tante esperiense bele e brute
go acora el cuor che canta
co vedo un bel tramonto.

E saria ancora pronto a rifar
tuto quelo che go fato fin ‘desso
anca se no sò più lo stesso
de ‘na volta parché se cambia
anca dentro.

Me vien spesso in mente
E tosete de quando che gero fio
fresche e tenere co le basavo,
E le strucavo in qualche canton Scuro
e ghe disevo “amor”

credendome de essar
un gran conquistador
col timor de farme incastrar
e perdar la libertà de ‘ndar,
de far, quelo che volevo mi

amesso che lo savesse quelo che volevo
parché gero ancora tanto bauco e no savevo
che ne la vita tuto sucede quando che Dio vol
i monti el mar el çiel la luna e’l sol

xe tuto parte de quel gran disegno
de cui Signor mi çerco de essar degno

Francesco 23.10 2003
P.S.i comenti sono molto graditi